There’s Just No Time To Die
Raat ke 2:17. Toota hua business, EMI ke mails aur ek naam jo ab life me nahi tha. Ek rider nikla apni “last ride” par… par highway ke paas kuch aur hi plan tha.

Part 1 · Raat 2:17
Raat ke 2:17 baj rahe the.
City so chuki thi…
par uske andar jo shor chal raha tha, wo abhi bhi zinda tha.
Ek aadmi.
Ek rider.
Ek aisi zindagi jisme har subah alarm nahi… zimmedariyan jagati thi.
Loan… EMI…
Office attendance…
Failed business…
Pending calls…
Unread messages…
Aur ek naam… jo ab uski life me nahi tha…
Kabhi uska sapna tha apna business khada karna…
Ek aisi life jahan Monday ka darr na ho…
Jahan rides sirf weekend escape na ho… zindagi ho…
Usne sab kuch daav par laga diya tha.
Savings…
Time…
Sleep…
Relationships..
Aur phir… sab khatam ho gaya
Business flop
Dost gayab
Bank ka reminder har subah
Aur jis ladki ko usne apni duniya samjha tha…
wo bhi chali gayi.
Uske phone gallery me ab bhi uski 4,382 photos thi.
Par irony dekho…
ab uska ek bhi message nahi aata tha.
Kabhi wo uska “home” thi.
Ab wo sirf ek memory thi… jo raat ko zinda ho jati thi.
Us raat bhi wahi hua.

Wo apne chhote se rented room me floor par baitha tha.
Helmet side me padha tha.
Laptop screen par overdue EMI ka mail open tha.
Aur speaker me ek slow song chal raha tha…
You were my life, but life is far away from fair…
Usne aankhein band kari.
Ek halki si hasi ayi.
Wo hasi nahi thi.
Wo tootne ki awaaz thi.
“Was I stupid to love you?”
“Was I reckless to help?”
“Was it obvious to everybody else?”
Room me koi nahi tha.
Phir bhi usne ye sawal dheere se bole… jaise koi jawab dega.
Par silence ne kabhi kisi ko bachaya hai?
Usne phone uthaya.
Instagram khola.
Wo online thi.
Uski story me wo kisi aur ke saath hass rahi thi.

Uska chest suddenly heavy ho gaya.
Aisa laga kisi ne andar haath dal kar dil ko zor se daba diya ho.
Usne turant phone band kiya.
Aur wahi moment tha…
jab uske andar kuch mar gaya.

Wo dheere se khada hua
Mirror ke samne gaya
Khud ko dekha
Bikhre baal
Sookhi aankhein
Thaka hua chehra
Tu hero banna chahta tha na?
Usne khud se kaha
Dekhle… kya ban gaya…
Uski aankhon me aansu the…
par aj wo ro nahi raha tha.
Aj uske andar emotions bhi thak chuke the
Kabhi kabhi insaan itna toot jata hai…
ki pain bhi feel hona band ho jata hai
Usne table drawer khola
Andar bike keys rakhi thi
Wo kuch seconds unhe dekhta raha
Phir whisper kiya…
Bas ye meri final wish hai…!!
“Now it’s time to die…”
“So… let’s ride one last time.”
Part 2 · One Last Ride
Bike basement me khadi thi
Dusty…
Silent…
Jaise wo bhi uska intezaar kar rahi ho…

Usne ignition on kiya
Fuel low tha
Exactly uski life ki tarah
Bike start hui
Engine ki awaaz raat ki khamoshi ko cheer gayi
Aur wo nikal pada
Par ajeeb baat ye thi…
Aj wo fast ride nahi kar raha tha
Normally jab bhi uske dimaag me storm hota…
wo throttle ghuma deta…
120….
140….
160….
Hawa saari awaazon ko uda deti thi
Par aj nahi
Aj wo un awaazon ko sunna chahta tha
Har regret…
Har insult…
Har memory…
Uski aankhon me tears the…
par usse samajh nahi aa raha tha ye sadness hai… ya relief…

Street lights uske helmet visor par flash ho rahi thi
Ek ke baad ek
Jaise zindagi ke saare moments rewind ho rahe ho
Usko yaad aya
Papa ka wo proud face jab usne pehli bike li thi
Maa ka darr jab wo late night rides par jata tha
Wo ladki… jo uske piche baith kar tightly hug karti thi
“Promise me… you’ll never leave me.”
Aur phir…
usne hi sabse pehle chhod diya
Bike highway par aa chuki thi
Raat aur gehri ho gayi
Cold wind uske jacket ke andar ghus rahi thi
Par uske andar jo khalipan tha… usse zyada thand koi nahi thi
Usne speed aur slow kar di
70…
60…
50…
Jaise wo death ko rush nahi karna chahta tha…
Suddenly…
uske helmet intercom me static sound ayi.
Krrrrrtttt!!!!
Wo confuse hua…
Intercom disconnected tha…
Phir ek halki si awaaz ayi…
“Tu itni jaldi haar maan gaya?”
Usne turant brakes dabaye
Bike skid hui
Uska heartbeat crazy ho gaya
“Kaun hai?!”

Silence…
Sirf hawa…
Usne around dekha
Koi nahi
Shayad hallucination
Shayad stress…
Wo fir ride karne laga
Par ab uska dimaag aur unstable ho gaya tha
Usse lag raha tha koi uske saath chal raha hai
Uske andar ki awaaz aur loud ho gayi
“Sab khatam ho gaya.”
“Tu fail ho gaya.”
“Kisi ko farq nahi padega…”
Usne throttle ghuma diya
Bike roar karne lagi
100…
120…
140…
Aankhon me tears blur hone lage…
Road ki lights stretch hone lagi…
….Aur phir…..
EK TRUCK…
Suddenly samne
Bright headlights
Horn…. Pooo!!! Pooo!!!
Screech….

Impact…
Part 3 · Blackout
Sab black
Completely black
Na awaaz
Na pain
Bas darkness
Usne dheere se aankhein kholi
Par wo highway par nahi tha
Wo ek ajeeb jagah khada tha
Fog
Silence
Aur uske samne…
uski purani memories chal rahi thi
Jaise koi movie

Wo khud ko dekh raha tha
Par ek different version
Ek happy version
Wo time… jab uski life me wo ladki nahi ayi thi
Wo free tha
No loans
No depression
No fake promises
Bas rides
Dreams
Aur asli hasi
Usne dheere se whisper kiya…
“Life… itni buri kab ho gayi??”
Memory me uska younger self hass raha tha
Friends ke saath chai
Sunrise rides
Maa ka call
Papa ka shoulder tap
Itna sukoon tha
Uski aankhon se finally tears nikal gaye
“Now you’ll never see me cry…”
“There’s just no time to die…”
Suddenly…
peeche se kisi ne uska naam liya
Real voice
Close
Bahut close
“Bhai… aankhein kholo!!!”
Usne confuse hokar mudkar dekha
Blurred faces
Hospital lights
Machines
Heart monitor
Beeeeeeep… beep…

Wo zinda tha…
Par ek second…
usne side me dekha
Chair par koi baitha tha
Black hoodie
Helmet haath me
Face shadow me chhupa hua
Aur sabse terrifying baat…
wo exactly uske jaisa lag raha tha
Same jacket
Same scars
Same eyes

Us aadmi ne dheere se smile ki.
Aur bola-
“Tu bach gaya…”
“Par ab asli ride shuru hogi.”
Monitor suddenly flatline kar gaya.
BEEEEEEEEEEEEEEEEEP……eeepp…
…Screen black…
To Be Continued…
